Kókshetaýda pornografııalyq dıskilerdi taratýmen aınalysqan kelinshek ustaldy
KÓKShETAÝ. QazAqparat - Kókshetaýda pornografııalyq dıskilerdi taratýmen aınalysqan 34 jastaǵy kelinshek ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, 21-23 aqpan aralyǵynda ІІD krımınaldyq polıtsııa basqarmasynyń «K» bólimshesiniń qyzmetkerleri Kókshetaýdaǵy ortalyq bazar aýmaǵynda júrgizgen «Kontrafakt» jedel aldyn alý sharasy barysynda «pırattyq jolmen» shyǵarylǵan DVD jáne CD-dıskilerin saýdalap júrgen 34 jastaǵy jergilikti turǵyndy qolǵa túsirdi. Tekseris kezinde kúdikti áıelden kontrafaktilik 149 dana CD-DVD dıskileri tárkilenedi. Onyń 12-si pornografııalyq. Tárkilengen dıskilerdiń barlyǵy saraptamaǵa jiberildi.
«Qazirgi kezde kúdiktiniń ústinen QR QK 311 baby boıynsha qylmystyq is qozǵaldy», - dep kórsetilgen habarlamada.
