Kókshetaýda perzenthanadan qashyp ketken 36 jastaǵy áıel ózine qol jumsady
KÓKShETAÝ. QazAqparat – Kókshetaýda perzenthanada joǵalǵan 36 jastaǵy áıel óli kúıinde tabyldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 27 tamyzda Kókshetaý qalalyq PB kezekshi bólimine Perınataldyq ortalyqtyń perzenthana bólimshesiniń dárigeri habarlasyp, jańa bosanǵan 36 jastaǵy áıel – Kókshetaý qalasynyń turǵyny sábıin tastap, palatadan shyǵyp ketip qalǵanyn habarlaǵan.
«Aıtylǵan jerge jedel-tergeý toby jetip, izdestirý sharalaryn qolǵa aldy. Anyqtalǵandaı, bosanǵannan keıin áıeldiń kóńil-kúıi jaısyz bolǵan» deıdi vedomstvodan.
PD baspasóz qyzmetindegiler atap ótkendeı, tamyzdyń 27-de saǵat 19:00 shamasynda áıel juqpaly aýrýlar aýrhanasynyń mańyndaǵy aǵashta asýly kúıinde tabyldy.
«Qazirgi kezde Qylmystyq kodekstiń 105-baby 1-bóligi «Ózin-ózi óltirýge ıtermeleý» boıynsha is qozǵalyp, sotqa deıingi tergeý amaldary júrgizilýde. Sot-medıtsınalyq saraptama taǵaıyndaldy» dep tolyqtyrdy vedomstvodan.
Aıta keteıik, kóz jumǵan áıeldiń artynda tórt balasy (úsh ul jáne bir qyz) qaldy. Eń kishisi bıyl 12 tamyzda dúnıege kelgen.
