Kókshetaýda páterden shyqqan órtten er adam kóz jumdy
KÓKShETAÝ. QazAqparat - Kókshetaýda kópqabatty turǵyn úıdegi páterden shyqqan órtten er adam kóz jumdy, dep habarlaıdy QazAqparat tilshisi aımaqtyq TJD silteme jasap.
«Oqıǵa 7 qańtarda saǵat 10:00 shamasynda Kókshetaý qalasyndaǵy Aqan seri kóshesiniń boıynda ornalasqan bes qabatty turǵyn úıdegi páterlerdiń birinde bolǵan. Órt 12 sharshy metr aýmaqty sharpydy. Tilsiz jaýdy aýyzdyqtaý sharalaryna TJD jeke quramynan 20 adam jáne 6 arnaıy órt sóndirý tehnıkasy jumyldyryldy. 25 adam, onyń ishinde 4 bala qaýipsiz jerge kóshirildi. Órt bolǵan páterdiń ishinen er adamnyń denesi tabyldy. Osy oqıǵaǵa baılanysty barlyq materıaldar PD joldandy», - dep túsindirdi Aqmola oblysynyń TJD qyzmetkeri Dýman Dəleshov.
Qazirgi kezde, órttiń shyǵý sebebi men kóz jumǵan er adamnyń aty jóni anyqtalý ústinde.
