Kókshetaýda pəter tonaǵan qostanaılyqtar ustaldy
KÓKShETAÝ. QazAqparat- Kókshetaýda jalpy somasy 9,6 mıllıon teńgeniń aqshasy men əshekeılerin qoldy etken kúdiktiler ustaldy, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha, qylmys qyrkúıektiń 11-de oryn alǵan. Zardap shegýshiniń sózine qaraǵanda, beıtanys adamdar úı ıesiniń joqtyǵyn paıdalanyp, pəterdiń esigin saı keletin kiltpen ashqan jəne úıde saqtaýly turǵan aqsha men əshekeı buıymdardy úptep ketken. Úı ıesine 9,6 mıllıon teńge shyǵyn keltirgen.
Jedel izdestirý sharasy barysynda beınebaqylaý kamerasynyń kómegimen urylar anyqtaldy. Kúdiktiler Qostanaı oblysy Rýdnyı qalasynyń 35, 25 jəne 22 jastaǵy turǵyndary bolyp shyqty. Olar Kókshetaýda urlyq jasaǵannan keıin Qostanaı oblysyna ketip qalǵan.
Qazirgi kezde, ustalǵan kúdiktilerdiń úsheýi de ýaqytsha ustaý ızolıatoryna toǵytylyp, olarǵa qatysty QR QK 188-babynyń 4-bóligi boıynsha sotqa deıingi tergeý amaldary júrgizilýde
