Kókshetaýda ózenge batyp bara jatqan bala qutqaryldy
KÓKShETAÝ. QazAqparat - Kókshetaýda jastar ózenge batyp bara jatqan balany qutqaryp qaldy, dep habarlaıdy QazAqparat tilshisi.
Instagram əleýmettik jelisinde taraǵan vıdeodaǵy jazbaǵa qaraǵanda oqıǵa búgin bolǵan. Qylshaqty ózeniniń betindegi muz opyrylyp, bala sýǵa túsip ketken. Abyroı bolǵanda, balanyń shyryldaǵan daýysyn sol mańdaǵy adamdar estip kómekke keldi.
Jas jigitterdiń biri belýaradan muzdaı sýyq sýda arqannyń ushyn ustap tursa, ekeýi keýdesine deıin sý keship balany jaǵaǵa alyp shyqty.
Jigitterdiń erligine jeli qoldanýshylar rıza bolyp, alǵystaryn bildirýde.
Al, TJD bul oqıǵaǵa baılanysty eshqandaı məlimet bergen joq.
