Kókshetaýda ózderin ózi tonaǵan fırma qyzmetkerleri ustaldy
KÓKShETAÝ. QazAqparat - Kókshetaýda fırma qyzmetkerleri ózderin ózi tonap, keıin polıtsııaǵa aryzdanǵan, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń deregi qaraǵanda, jeltoqsannyń 7-i kúni Ereımentaý aýdandyq polıtsııa bólimine «Pavlodar-Astana» tasjolynyń boıynda qaraqshylyq shabýyl bolǵany týraly jedel aqparat túsken.
Zardap shegýshi, ıaǵnı, Kókshetaý qalasyndaǵy jeke menshiktegi uıymnyń saýda ókiliniń túsiniktemesi boıynsha, memlekettik nómiri joq kólikke otyrǵan beıtanys bireýler onyń kóligin toqtatqan jáne myltyqqa uqsas qarýmen qorqytyp, fırmaǵa tıesili 5 mıllıon teńge aqshasyn alyp taıyp turǵan.
Qaraqshylyq qylmysqa baılanysty QR QK 192 babynyń 2 bóligi (qaraqshylyq) boıynsha is qozǵalyp, sotqa deıingi tergeý amaldary qolǵa alyndy.
«Kúdiktilerdi ústaý úshin arnaıy top qurylyp, jedel izdestirý boıynsha keshendi sharalary júzege asyryldy. Alaıda, tergeý amaldary kezinde keıbir sáıkestiksizder oryn alyp, olar naqtyly tekserildi. Nátıjesinde polıtseıler mán-jaıdy anyqtaı kele, er adam qaraqshylyq shabýyldy ózi oılastyrǵanyn anyqtady.
Keıin zardap shegýshi men onyń eki tanysy ustaldy. Tanysynyń biri sol fırmanyń jumysshysy bolyp shyqty. Kúdiktiler ózderi uıymnyń aqshasyn jymqyryp, keıin qylmystyń izin jasyrý úshin polıtsııaǵa qaraqshylyq shabýyl týraly jalǵan habar bergen», -deıdi polıtseıler.
Qazirgi kezde kúdikteler ýaqytsha ustaý oqshaýlaǵyshyna toǵytylyp, olardyń ústilerinen QR QK 88 babynyń 4 bóligi (urlyq) jáne QR QK 419 baby (jalǵan málimet berý) boıynsha is qozǵalyp, sotqa deıingi tergeý amaldary júrgizilýde.
