Kókshetaýda ótip jatqan jərmeńkede zeınetkerlerge azyq-túlik salynǵan 1 myń paket tegin úlestirildi
KÓKShETAÝ. QazAqparat - Kókshetaýdaǵy Táýelsizdik alańy men «Altyn ǵasyr» saýda úıiniń aldynda Atbasar, Eńbekshilder, Zerendi, Sandyqtaý aýdandary jáne oblys ortalyǵy aýyl sharýashylyǵy taýarlaryn óndirýshileriniń qatysýymen arzan azyq-túlik ónimderiniń jármeńkesi ótip jatyr, dep habarlaıdy QazAqparat tilshisi.
Jármeńkeni oblys ákiminiń orynbasary Egor Kappel aralap kórip, azyq-túlik baǵasy men sapasyna nazar aýdardy. Oblystyq aýyl sharýashylyǵy basqarmasynyń málimeti boıynsha, bul joly jármeńkege 55 túrli azyq-túlik ákelinipti. Olardyń jalpy quny - 155,9 mıllıon teńge. Onyń ishinde 63,7 tonnaǵa jýyq et pen shujyq, 20 tonna balyq, 217,5 myń dana jumyrtqa, 30 tonna un men makaron, 95 tonna kartop, 158 tonna kókónis, 5 tonna qant, 18 myń lıtr kúnbaǵys maıy, 21,6 tonnadan astam sút, 14 tonna shóp jáne ózge de aýyl sharýashylyǵy ónimderi jetkizilgen.
Sonymen qatar, jərmeńke barysynda zeınetkerlerge sút jəne nan salynǵan 1 myń paket tegin úlestirildi.
