Kókshetaýda ótetin jármeńkede 70 astam aýyl sharýashylyǵy ónimi satylmaq
ASTANA. QazAqparat - Kókshetaýda ótetin jármeńkede 70 astam aýyl sharýashylyǵy ónimi 15-20 paıyz arzan baǵamen satylady. Bul týraly oblys ákiminiń baspasóz qyzmeti habarlady.
24 qyrkúıekte Kókshetaý qalasyndaǵy «Táýelsizdik» alańynda Býrabaı, Zerendi, Sandyqtaý, Shortandy aýdandarynyń jáne Kókshetaý qalasy aýyl sharýashylyǵy ónimderin óndirýshileriniń jármeńkesi ótedi. Sondaı-aq, jármeńkege oblystyń iri qus óndirýshi kásiporyndary da qatysady dep kútilýde.
Osy kúni oblystyń aýyl sharýashylyǵy ónimderin óndirýshileri et jáne et ónimderi, balyq jáne balyq ónimderi, sút jáne sút ónimderi, jumyrtqa, un, kartop, kókónis, jarmalyq ónimder, kúnbaǵys maıy sııaqty jalpy jetpisten astam ónim túrlerin ádettegiden 15-20 paıyz arzan baǵamen satylymǵa shyǵaratyn bolady.
Bul ónimderdi satýǵa arnaıy 75 palatka tigilip, olarda 170 saýda núkteleri jumys isteıtin bolady.
Sondaı-aq, jármeńke kezinde oblystyń shyǵarmashylyq ujymdarynyń qatysýymen daıyndalǵan kontserttik baǵdarlama ótedi.
