Kókshetaýda otbasy jáne demalys ortalyǵy ashyldy
KÓKShETAÝ. QazAqparat – Kókshetaýda alǵashqy «Aq bosaǵa» otbasy jáne demalys ortalyǵy ashyldy. Onda kez kelgen otbasy bos ýaqytyn qyzyqty, shyǵarmashylyq jáne jaqyn adamdarmen birge ótkizýine bolady, dep habarlaıdy QazAqparat tilshisi Aqmola oblystyq ishki saıasat basqarmasyna silteme jasap.
Mádenı mekemeniń mindetine balalar men ata-analardyń bos ýaqytyn uıymdastyrý, sondaı-aq ulttyq dástúrler men ádet-ǵuryptardy nasıhattaý kiredi. Joba otbasynyń barlyq músheleriniń tárbıelik jáne damytýshylyq is-áreketterine, sondaı-aq, balalar men olardyń ata-analarynyń birlesken belsendi oıyn-saýyq demalysy úshin ámbebap alańǵa aınalady. Kelýshiler óz talǵamyna qaraı hobbıdi tegin ala alady.
«Búgin biz otbasy jáne demalys ortalyǵynyń ashylýyna qatystyq. Munda barlyǵyna súıikti isimen aınalysýǵa oryn bar. Biz Aqmola oblysynyń ákeler keńesimen birge bólingen kabınetti kórdik. Qyzmet baǵyty boıynsha jaqyn arada jasalatyn memorandýmnyń negizgi tustaryn talqylaımyz. Kúsh biriktire otyryp, biz otbasylyq qarym - qatynastardy nasıhattaý, jastardy tárbıeleý jáne otbasyn nyǵaıtý úshin kóptegen paıdaly ister jasaı alamyz», - dep atap ótti qalalyq Analar keńesiniń tóraıymy Naılıa Seıdallına.
Jobany iske asyrý úshin shahmat, doıby, ústel tennısi jáne aerobıka sııaqty úıirmeler jumys isteıdi. Sondaı-aq, kelýshilerge analar keńesiniń, ákeler keńesiniń, medıatordyń, psıhologtyń jáne etno-sheberhananyń kabınetteri qoljetimdi.
Vedomstvodan atap ótkendeı, aldaǵy ýaqytta qala turǵyndarynyń tilekterin eskere otyryp, ortalyq janynan birqatar qosymsha sport nysandary men shyǵarmashylyq úıirmeler ashylady.
