Kókshetaýda Otan qorǵaýshy kúnine arnalǵan saltanatty sherý ótti
KÓKShETAÝ. QazAqparat - Kókshetaý qalasynyń «Táýelsizdik» alańynda Aqmola oblysy ákiminiń orynbasary Aına Mysyrálimovanyń qatysýymen 7 mamyr - Otan qorǵaýshy kúnine arnalǵan saltanatty shara ótti, dep habarlaıdy QazAqparat tilshisi.
Merekelik shara Qazaqstan Prezıdenti - QR QK Joǵary Bas qolbasshysy Nursultan Nazarbaevtyń qatysýymen Jambyl oblysynyń «Otar» áskerı bazasynda ótken Otan qorǵaýshylar kúnine arnalǵan jaýyngerlik sherýdiń tikeleı kórsetilimimen bastaldy.
«Otan qorǵaýshylar kúni Otandy qadirleıtin, onyń tarıhyn qurmetteıtin, erlik pen jaýyngerlik kúshke ıe naǵyz erlerdiń merekesi», - dedi sharada Aına Mysyrálimova.
Oblysy ákiminiń orynbasary jergilikti áskerı bólimderi, quqyq qorǵaý organdary, tótenshe jaǵdaılar qyzmetiniń bir top qyzmetkerleri men jáne áskerı-patrıottyq klýbtardyń ókilderin oblys ákiminiń Alǵys hatymen marapattady.
Budan keıin Aqmola oblysy boıynsha Qorǵanys isteri departamenti basshysynyń orynbasary Zańǵar Ǵabbasov jergilikti áskerı qyzmetshiler men oqý oryndarynyń tárbıelenýshileriniń áskerı sherýin qabyldady.
