Kókshetaýda órtengen úıden 70 jastaǵy qart qutqaryldy
KÓKShETAÝ. QazAqparat – Kókshetaý qalasynda órtengen úıden 70 jastaǵy qart qaýipsiz jerge shyǵaryldy, dep habarlaıdy QazAqparat Aqmola oblystyq Tótenshe jaǵdaılar departamentiniń baspasóz qyzmetine silteme jasap.
1 maýsymda Kókshetaý qalasynyń Áýelbekov kóshesindegi 183-shi úıden órt shyǵyp, ol páterdiń 6 sharshy metr aýmaǵyn sharpydy.
«Jalyn saǵat 12:59-da aýyzdyqtalyp, 13:05-te tolyq sóndirilgen. Qaza tapqandar men zardap shekkender joq. Bir adam qaýipsiz jerge shyǵaryldy. Órttiń shyǵý sebebi anyqtalý ústinde», - dep naqtylady vedomstvodan.
Jalyndy sóndirýge TJD-niń 14 qyzmetkeri men úsh tehnıkasy jumyldyrylǵan.
