Kókshetaýda órtengen úıden 49 jastaǵy er adamnyń denesi tabyldy
KÓKShETAÝ. QazAqparat - Kókshetaýda órtengen úıden 49 jastaǵy er adamnyń denesi tabyldy. Ol esh jerde jumys istemegen jáne maskúnem retinde esepte turǵan, dep habarlaıdy QazAqparat tilshisi Aqmola oblystyq TJd baspasóz qyzmetine silteme jasap.
Vedomstvonyń málimetinshe, órt búgin tańerteń saǵat 09:43-te Kókshetaý qalasyndaǵy jeke turǵyn úıde shyqqan.
«Órtti sóndirý barysynda 49 jastaǵy er adamnyń denesi tabyldy. Ot 5 sharshy metr aýmaqty sharpydy. Órt kezinde er adam úıde jalǵyz bolǵan», - dedi TJD baspasóz qyzmetindegiler.
Qazirgi kezde órttiń shyǵý sebebi anyqtalýda, sot-medıtsınalyq jáne órt-tehnıkalyq saraptama taǵaıyndaldy.
Kókshetaý qalasy polıtsııa basqarmasynyń málimetinshe, er adam ýaqytsha jumys istemegen jáne maskúnem retinde esepte turǵan.
