Kókshetaýda órtengen úıde uıyqtap jatqan əıel qutqaryldy
KÓKShETAÝ. QazAqparat- Kókshetaýlyq polıtseıler órtke oranǵan úıde beıqam uıyqtap jatqan əıeldi qutqaryp qaldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, oqıǵa búgin tańerteń bolǵan.
Polıtsııa maıory Qurmet Qabdýshev pen polıtsııanyń aǵa serjanty Jaman Satybaev erte tańnan ədettegideı Ýəlıhanov kóshesiniń boıymen jumysqa bara jatqan. Osy kezde, tərtip saqshylary jekemenshik turǵyn úılerdiń birinen tútinniń shyǵyp jatqanyn baıqap qalady. Dereý kómekke júgirgen olar úıdiń terezesin tarsyldatyp, uıyqtap jatqan áıeldi oıatyp alady.
Úıde áıelden basqa ózge adamnyń joqtyǵyna kóz jetkizgen polıtseıler gaz ballonyn qaýipsiz jerge shyǵaryp, órt sóndirýshiler kelgenshe kútken.
Aman qalǵan áıel ómirine arasha túsken polıtseılerge sheksiz alǵysyn bildirdi.
«...Men qatty uıyqtap jattym. Jaǵdaı nasyrǵa shapsa, qalaı aıaqtalatynyn kim bilsin. Baǵyma oraı polıtseıler qıyn kezde óz oryndarynan tabyla bildi. Meni oıatyp, jeke zattarym men qujattarymdy jınaýǵa kómektesti», - deıdi Nadejda Melnıkova.
Osyǵan oraı, Aqmola oblystyq ІІD basshylyǵy qos polıtsııa qyzmetkerin marapattaý jóninde sheshim shyǵardy.
