Kókshetaýda órtengen páterden qutqarylǵan 3 balanyń jaǵdaıy aýyr
KÓKShETAÝ. QazAqparat - Kókshetaýda páter órtenip, 3 bala qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, órt 13 maýsymda keshke Saryarqa shaǵyn aýdanyndaǵy 14/3-úıdiń ekinshi qabatyndaǵy páterde bolǵan. Órt 9 sharshy metr aýmaqty sharpydy. Órt kezinde páterde úsh bala boldy. Onyń ekeýin kórshileri qutqarýshylar kelgenshe syrtqa alyp shyqty, al, úshinshisin órt sóndirýshiler qutqardy. Balalar aýrýhanaǵa jetkizildi, jaǵdaıy aýyr. Budan bólek, atalmysh bes qabatty úıdiń 35 turǵyny evakýatsııalandy.
«Qazirgi málimet boıynsha páterde 21 jastaǵy ápkesimen birge 8, 7 jáne 4 jasar úsh bala bolǵan. Ata-analary basqa jerge ketken. Ápkeleri dúkenge shyqqan kezde, páterde órt tutanǵan. Tilsiz jaýdy aýyzdyqtaýǵa TJD jeke quramynan 20 adam jáne 12 polıtsııa qyzmetkeri jáne jedel járdem brıgadasy jumyldyryldy. Órt 22:52 aýyzdyqtaldy»,- deıdi Kókshetaý qalalyq TJB bastyǵy Maksım Shatkovskıı.
Vedomstvodan atap ótkendeı, qazirgi kezde órttiń shyǵý sebebi anyqtalyp jatyr.
