Kókshetaýda órtengen kópqabatty úıden 27 adam evakýatsııalandy
KÓKShETAÝ. QazAqparat - Kókshetaýdaǵy kópqabatty úıden 27 adam evakýatsııalandy, dep habarlaıdy QazAqparat.
Aqmola medıa ortalyǵynyń málimetine sensek, búgin, 4 tamyz kúni Pýshkın kóshesindegi kópqabatty úıdiń 27 turǵyny birinshi qabattaǵy dúkendegi órtten evakýatsııalandy.
Órttiń aldyn ala sebebi - tońazytqysh qondyrǵylarynyń qysqa tuıyqtalýy.
Tańǵy 04.28 kezinde Aqmola oblysy jedel basqarý ortalyǵynyń pýltine joǵaryda kórsetilgen mekenjaıda órt shyqqany týraly habarlama kelip tústi.
Shaqyrý ornyna dereý órt sóndirý qyzmetiniń kúsh-quraldary jiberildi.
Shaqyrý ornyna kelgen soń aqparat rastaldy.
Baspaldaq marshymen 27 adam, onyń ishinde 6 bala evakýatsııalandy.
Órt 20 mınýt ishinde sóndirildi. Qaza bolǵandar men zardap shekkender joq.
Órttiń shyǵý sebebi anyqtalyp jatyr. TJD 10 qyzmetkeri men 2 tehnıkasy shyqty.
Aqmola TJD oblys turǵyndary men qonaqtaryna órt qaýipsizdigi erejelerin saqtaýdy eskertedi.
