Kókshetaýda órtengen kópqabatty turǵyn úıden 30-ǵa jýyq adam qutqaryldy
KÓKShETAÝ. QazAqparat – Kókshetaýda kópqabatty turǵyn úıden órt shyǵyp, 30-ǵa jýyq adam (onyń 12-si bala) qutqarylyp, 31 (onyń 15-i bala) adam evakýtsııalandy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, órt búgin oblys ortalyǵyndaǵy toǵyz qabatty turǵyn úıdegi elektr qalqanynan shyqqan. Tilsiz jaýdy aýyzdyqtaýǵa TJD jeke quramynan 23 qyzmetker jáne 6 arnaıy tehnıka tartyldy.
«20 mınýt ishinde órt tolyǵymen sóndirildi. Órtten birinshi qabattan toǵyzynshy qabatqa deıingi elektr symdary janyp ketti. Qalyń tútinnen barlyq turǵyndar páterinen óz betinshe syrtqa shyǵa almady. Órt sóndirýshiler arnaıy maska kıip adamdardy kireberistegi saty arqyly dalaǵa alyp shyqty» - deıdi Aqmola oblystyq TJD Órt sóndirý jáne apattyq-qutqarý jumystary qyzmetinyń bastyǵy Nurlan Tasov.
Aqmola oblysynyń TJD qyzmetkerleri oblys turǵyndaryna órt qaýipsizdigi erejesin saqtaýdy eskertedi.
