Kókshetaýda órtengen kóliktiń ishinen er adamnyń denesi tabyldy
KÓKShETAÝ. QazAqparat - Kókshetaýda órtengen «VAZ 2107» kóliginiń ishinen 67 jastaǵy er adamnyń denesi tabyldy, dep habarlaıdy QazAqparat tilshisi.
Bul habardy QR ІІM Tótenshe jaǵdaılar komıtetiniń resmı ókili Rýslan Imanqulov rastady.
«Oqıǵa 12 shilde kúni saǵat 13:56-lar shamasynda Krasnoıar aýylyndaǵy Ybyraı kóshesi 18-shi úı mekenjaıynda boldy. «VAZ 2107» kóligi órtke (órt aýmaǵy 2 kv.m) orandy. Órt saǵat 14:00-de aýyzdyqtaldy. Oqıǵa ornynan 1951 jyly týǵan er adamnyń denesi tabyldy», - dep jaýap berdi Rýslan Imanqulov QazAqparat tilshisine.
Qazirgi kezde, oqıǵanyń mán-jaıy anyqtalý ústinde.
