13:22, 13 Maýsym 2024 | GMT +6
Kókshetaýda órt shyqqan úıden 25 adam evakýatsııalandy
KÓKShETAÝ. KAZINFORM - Kókshetaýda kópqabatty turǵyn úıden órt shyǵyp, 25 adam evakýatsııalandy, onyń tórteýi bala.
Aqmola oblysy TJD baspasóz qyzmetiniń málimetinshe, órt toǵyzynshy qabattaǵy páterden shyqqan.
«Aldyn ala málimet boıynsha páterdegi jıhaz órtengen. Sonyń saldarynan qyzyl jalyn páterdiń ishin sharpyp, 73 jastaǵy zeınetker qutqaryldy. Buǵan qosa, turǵyn úıden 25 adam evakýatsııalandy, onyń tórteýi bala. Órt sóndirýshilerdiń jedel áreketteriniń arqasynda órt 14 mınýtte oqshaýlanyp, 20 mınýtten soń tolyq sóndirildi. Órtten eshkim japa shekken joq», - TJD baspasóz qyzmetinen.
Aıta ketsek, budan buryn órt qaýipsizdigi erejelerin buzǵan 40-qa jýyq aqmolalyq jaýapqa tartylǵanyn jazǵan edik.
