Kókshetaýda «Open air!» formatyndaǵy kórmege 90-nan astam týyndy qoıyldy
KÓKShETAÝ. QazAqparat - Kókshetaýdaǵy ortalyq qalalyq saıabaqta «Altyn qazyna» səndik qoldanbaly óner týyndylarynyń oblystyq kórme-baıqaýy ótti, dep habarlaıdy QazAqparat tilshisi.
«Open air»! formatynda ótkizilgen kórmeniń maqsaty qoldanbaly óner kóshpendi ómir saltymen, dástúrlermen, qazaq halqynyń tarıhymen tyǵyz baılanysty ekenin jáne qaınar kózi myńdaǵan jyldardan bastaý alatyn ulttyq mádenıettiń damýyn kórsetý.
Sharaǵa Aqmola oblysynyń bilim basqarmasy men shyǵarmashylyq jaǵynan daryndy balalarmen jumys isteý boıynsha oblystyq ortalyǵy uıytqy boldy.
"Baıqaýdyń aýqymy jyldan jylǵa keńeıip keledi. Bıylǵy jyldyń ózi baıqaýǵa barlyǵy 90-nan astam shyǵarmashylyq jumys qoıyldy", - dep atap ótti Aqmola oblysy bilim basqarmasynyń basshysy Talǵat Júnisov.
