Kókshetaýda onkologııalyq emhana salynady
KÓKShETAÝ. QazAqparat - Aqmola oblysy ákimi Málik Myrzalın turǵyndar aldynda ótken eseptik kezdesýinde medıtsınalyq qyzmettiń qoljetimdiligi men sapasyna jetkilikti nazar aýdarylyp otyrǵanyn atap ótti, dep habarlaıdy QazAqparat tilshisi.
2017 jyly «Densaýlyq» baǵdarlamasy sheńberinde 206 birlik medıtsınalyq qurylǵylar satyp alyndy, jedel járdem parki 33 jańa avtomashınamen tolyqty (16 birlik aýdandyq jedel járdem stansalary úshin).
«Densaýlyq saqtaý qurylymy da keńeıtilýde. 2018 jyly 12 jańa nysandar salynyp, 15-ine kúrdeli jóndeý jasaý josparlanyp otyr», - dedi aımaq basshysy.
Kókshetaý qalasynda onkologııalyq emhana qurylysy bastalmaqshy (150 adamdy qabyldaıtyn). Bul joba oblys úshin asa qajetti jáne áleýmettik mańyzdy bolyp tabylady. Ol onkologııalyq naýqastardy emdeý men aýrýdyń aldyn alý sharalaryn jaqsartýǵa ıgi yqpalyn tıgizedi.
