Kókshetaýda oqýshylarǵa arnalǵan «Bolashaq saraıy» paıdalanýǵa berildi
KÓKShETAÝ. QazAqparat - Kókshetaýda balalar men jasóspirimderdiń zamanaýı «Bolashaq saraıy» paıdalanýǵa berildi, dep habarlaıdy QazAqparat tilshisi.
Qazaqstanda teńdesi joq ǵımarat 1 100 astam adamǵa arnalǵan. Ol ıntellektýaldy damý jáne sport bloktarynan turady. Qazirgi zamanǵy jańa ǵımaratta bes baǵyt boıynsha 78 úıirme jumys isteıdi.
Saltanatty shara Qazaqstan Respýblıkasynyń Táýelsizdigi merekesi qarsańynda ótti. Onda aımaq basshysy Ermek Marjyqpaev bıylǵy jyly oblystyń áleýmettik-ekonomıkalyq damýy jaǵynan joǵary kórsetkishterge qol jetkizilgendigin atap ótti. Óńirdiń ónerkásip óniminiń kólemi 27 esege ósken.
Sonymen birge, mereke qarsańynda eńbegimen kózge túsken birqatar aqmolalyq QR memlekettik nagradalarymen, «Halyq alǵysy» medalimen marapattaldy. Sondaı-aq «El Úmiti» ulttyq jobasynyń jeńimpazdary syılyq aldy.
