Kókshetaýda oqý ornyna «bomba qoıǵan» sol mekteptiń oqýshysy bolyp shyqty
Aqmola oblystyq polıtsııa departamenti baspasóz qyzmetiniń málimetinshe, keleńsiz jaǵdaı mamyrdyń 24-de bolǵan.
Bul týraly saǵat 17:50-de Kókshetaý qalalyq polıtsııa basqarmasyna habarlandy.
Onda №2 orta mektep-lıtseıiniń ǵımaratynda symdary bar qańyltyr banka tabylǵany aıtylǵan.
Osyǵan baılanysty polıtsııa qyzmetkerleri atalmysh aýmaqty qorshap, 20 oqytýshy men 10 tehnıkalyq qyzmetkerdi evakýatsııalady.
Tehnık mamandar tabylǵan qurylǵyny zerttedi.
Azamattardyń qaýipsizdigi maqsatynda bekitilgen is-qımyl algorıtmine sáıkes, ony sol jerde joıý týraly sheshim qabyldandy.
Qajetti qaýipsizdik sharalary saqtala otyryp, jarylys jasaldy.
«Jedel-izdestirý sharalary barysynda Kókshetaýdaǵy №2 orta mektep-lıtseıiniń ǵımaratyna «jarylǵysh zatty» oqýshy qyzdyń qoıǵany anyqtaldy. Ol óziniń áreketin atalmysh mektepte oqyǵysy kelmeıtinimen túsindirdi. Osyǵan baılanysty odan ári tekseris júrip jatyr. ıÝvenaldy polıtsııa qyzmetkerleri kámeletke tolmaǵan qyzdy profılaktıkalyq esepke qoıý máselesin sheship jatyr», - dep túsindirdi vedomstvonyń baspasóz qyzmetinen.
Aıta ketsek, Kókshetaý mektebinen jarylǵysh zatqa uqsas zat tabylǵanyn habarlaǵan edik.
