Kókshetaýda nóser jańbyrdan 20 turǵyn úıdi sý basty

KÓKShETAÝ. QazAqparat – Kókshetaý qalasynda nóser jańbyrdan 20 turǵyn úı men 60 aýlany sý basty, dep habarlaıdy QazAqparat tilshisi.

Aqmola oblystyq Tótenshe jaǵdaılar departamenti baspasóz qyzmetiniń málimetinshe, jedel shtab quryldy. Jańbyr sýlaryn sorý, sondaı-aq qajet bolǵan adamdarǵa kómek kórsetý jumystary júrgizilýde.

«Sý sorý jumystaryna TJD jeke quramynan 40 adam jáne 20 motopompa, jergilikti atqarýshy organdardan 10 adam, 4 assenızator, 1 ekskavator jumyldyrylǵan. Qazirgi ýaqytta sý basqan 20 turǵyn úıden sý soryldy, 3 úıde bul jumystar jalǵasýda. Jalpy, qazirgi ýaqytta qala boıynsha 6300 tekshe metr sý soryldy. Tirshilikti qamtamasyz etý obektileri shtattyq rejımde jumys isteýde. Zardap shekkender joq», - dedi vedomstvodan.

Aıta ketsek, budan buryn Stepnogor qalasynda da 200 tekshe metr sý sorylǵanyn jazǵan edik.