Kókshetaýda negizgi kapıtalǵa 56,1 mlrd teńge ınvestıtsııa salynǵan

KÓKShETAÝ. QazAqparat – Kókshetaýda negizgi kapıtalǵa salynǵan ınvestıtsııa kólemi 56,1 mıllıard teńgeni qurady. Bul týraly óńirlik kommýnıkatsııalar qyzmetinde ótken brıfıngte qala ákimi Amangeldi Smaıylov aıtty, dep habarlaıdy QazAqparat tilshisi oblystyq ishki saıasat basqarmasyna silteme jasap.

Qala ákiminiń aıtýynsha, qalanyń ónerkásip sektorynda 125 mıllıard teńgeniń ónimi shyǵarylǵan. 2019 jyldyń sáıkes kezeńimen salystyrǵanda naqty kólem ındeksi 144,5 paıyzdy qurady.

«Ónerkásip óniminiń ósýine mashına jasaý, avtomobılder, tirkemeler men jartylaı tirkemeler óndirisi aıtarlyqtaı áser etti. Aýyl sharýashylyǵynda óndiris kólemi 5,5 mıllıon teńgeni qurady. Qaladaǵy barlyq sanattaǵy sharýa qojalyqtary mal men qustyń barlyq túrlerinen 664,7 tonna et óndirdi. Negizgi kapıtalǵa salynǵan ınvestıtsııalar kólemi 56,1 mıllıard teńge deńgeıinde qalyptasty», - dedi qala ákimi A.Smaıylov.