Kókshetaýda naýqas aýrýhananyń terezesinen sekirip mert boldy
KÓKShETAÝ. QazAqparat - Kókshetaýda qalalyq aýrýhananyń úshinshi qabatyndaǵy terezeden sekirgen 56 jastaǵy er adam kóz jumdy, dep habarlaıdy QazAqparat tilshisi.
«26 tamyzda qalalyq aýrýhananyń gastro-enterologııa bólimshesi ornalasqan 3-shi qabattaǵy terezeden Kókshetaý qalasynyń 56 jastaǵy turǵyny sekirip ketti. Saldarynan er adam kóz jumdy. Oǵan «polıjaraqat» dıagnozy qoıyldy», - dep aıtty QazAqparat tilshisiniń saýalyna Aqmola oblystyq PD baspasóz qyzmetindegiler.
Vedomstvodan atap ótkendeı, qazirgi kezde osy oqıǵaǵa baılanysty Qylmystyq kodekstiń 105 -baby 1-bóligi «ózin-ózi óltirýge ıtermeleý» boıynsha sotqa deıingi tergeý amaldary júrgizilýde. Sottyq-medıtsınalyq saraptama taǵaıyndaldy.
