Kókshetaýda múmkindigi shekteýli balalarǵa Jańa jyldyq shyrsha uıymdastyryldy
KÓKShETAÝ. QazAqparat - Kókshetaýda múmkindigi shekteýli balalarǵa Jańa jyldyq shyrsha meıramy uıymdastyryldy, dep habarlaıdy "QazAqparat" HAA tilshisi.
«Spetsıalnaıa olımpıada Kokshetaý» qoǵamdyq birlestiginiń uıymdastyrýymen «Anı» meıramhanasynda ótken sharaǵa aqyl-oı kemistigi bar balalarǵa arnalǵan №1 oblystyq arnaıy túzetý mektep-ınternatynyń jəne oblys ortalyǵyndaǵy medıtsınalyq-əleýmettik mekemesiniń tərbıelenýshileri qatysty.
Jańa jyl merekesiniń qııalǵajaıypqa senetin balalar úshin erekshe orny bar. Sharanyń ashylý saltanatynda qoǵamdyq birlestiktiń tóraǵasy Dəýren Shəripov balalardy Jańa jylmen quttyqtap, jyly lebizin bildirdi.
Sonymen qatar, jyl boıy ózderiniń belsendilikterimen kózge túsken. Ədil Dəýletbek, Vıka Voronına, Nazgúl Tastybaeva sııaqty balalardy marapattap, olarǵa baǵaly syılyqtar tapsyrdy. «Dýman» pedagogıkalyq otrıady qyzyqty oıyndar uıymdastyryp, əýezdi ən jəne əsem bımen órilgen merekelik shara balalarǵa qýanysh syılady.
