Kókshetaýda muǵalimder men tehnıkalyq mamandarǵa suranys joǵary

KÓKShETAÝ. QazAqparat – Kókshetaýda muǵalimder men tehnıkalyq mamandar úlken suranysqa ıe. Qalada 40 jumys berýshi uıymnyń qatysýymen bos oryndar jármeńkesi ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Bos oryndar jármeńkesin Aqmola oblysynyń jastar resýrstyq ortalyǵy uıymdastyrdy. NEET sanatyndaǵy jastar men 4 kýrs stýdentterin jumysqa ornalastyrý maqsatynda uıymdastyrylǵan jármeńkede jumys berýshi uıymdar bos jumys oryndaryn usyndy jáne jumysqa qabyldaý úshin úmitkerlerdi aldyn ala irikteýdi júzege asyrdy.

«Bul is-sharaǵa bizge 40-tan astam mekeme júgindi. Olar jastardy bos jumys oryndary týraly habardar etedi. Sondaı-aq, jastar resýrstyq ortalyqtarynyń «Kókshetaýdaǵy jumys» arnaıy jelisi bar. Sonda biz jastarǵa arnalǵan túrli bos jumys oryndaryn jarııalaımyz. Sol arqyly olar jumysqa ornalasýǵa múmkindik alady», - dep atap ótti oblystyq jastar resýrstyq ortalyǵynyń basshysy Mánsııa Esekeeva.

Jármeńke barysynda kókshetaýlyqtar jastar memlekettik qyzmet, jeke kásiporyndar, bilim berý uıymdary, densaýlyq saqtaý tárizdi ózge de salalar boıynsha 260-tan astam bos jumys orny usynyldy.

Sonymen birge, qla turǵyndaryna áleýmettik jumys oryndary men aqyly qoǵamdyq jumystar da usynyldy.

Jármeńkede pedagogıkalyq mamandyqtar erekshe suranysqa ıe boldy.

Uıymdastyrýshylardyń aıtýynsha, jumys berýshiler osyndaı is-sharalardy odan ári ótkizýdi jáne halyqty aldaǵy bos oryndar jármeńkesi týraly belsendi habardar etýdi usyndy.