Kókshetaýda muǵalim joǵalyp ketti
KÓKShETAÝ. QazAqparat - Kókshetaýda iz-túzsiz joǵalyp ketken muǵalim izdestirilýde, dep habarlaıdy QazAqparat tilshisi Polıtsııa departamentine silteme jasap.
Vedomstvonyń málimetinshe, Kókshetaý qalalyq PB kezekshilik bólimine SQO aýyldarynyń biriniń 53 jastaǵy turǵyny habarlasyp, 1989 jyly týǵan uly Baqtııar Talǵatuly Temirjanovtyń habarsyz ketkennin aıtqan. Ótinish ıesiniń aıtýynsha, uly 7mamyrda saǵat 08:00 Kókshetaý qalasyndaǵy úıinen shyǵyp sodan habarsyz ketken.
Belgili bolǵandaı, joǵalǵan adam dene shynyqtyrý pániniń muǵalimi.
Joǵalǵan adamnyń belgiler: boıy 175-180 sm, dene bitimi juqalaý kelgen, shashy qara, qysqa qıylǵan, qulaqtary ortasha, kózderi qysyńqy, qońyr tústi.
Ústine sur djınsy, qara kók kýrtka, aıaqtarynda qońyr tústi aıaq kıim kıgen.
Erekshe belgiler: astyńǵy erniniń tómengi jaǵynda meńi bar.
«Er adamnyń turǵan jerin anyqtaý maqsatynda tártip saqshylary jedel-izdestirý is-sharalaryn júrgizdi, onyń barysynda barlyq tanys jáne jaqyn adamdardan jaýap alyndy. Barlyq kameralar qaraldy, biraq er adamnyń ornalasqan jerin tabý múmkin bolmady», - dedi vedomstvodan.
Osy rette, polıtsııa qyzmetkerleri Baqtııar Talǵatuly Temirjanovtyń turǵan jerin biletin nemese onyń joǵalýyna qatysty qandaı da bir aqparatqa ıe adamdar bolsa «102» arnaıy jelisine nemese 29-96-00 telefon nómirine qońyraý shalýdy suraıdy.
