Kókshetaýda monsha órtenip, er adam mert boldy
ASTANA. 26 maýsym. QazAqparat - Kókshetaý qalasynda saýna otqa oranyp, er adam qaza boldy.
QR TJM baspasóz qyzmetinen habarlaǵandaı, 25 maýsym kúni Kókshetaý qalasynda «Kókshetaý-Jylý» memlekettik kommýnaldyq kásiporny aýmaǵyndaǵy qazandyq tsehiniń saýna bólmesinde órt shyqty. Jalyn 15 sharshy metr aýmaqty jaıpady. Oqıǵa ornynda 37 jastaǵy kásiporyn jumysshysynyń máıiti tabyldy. Tilsiz jaýdy aýyzdyqtaý jumystaryna QR TJM Aqmola oblystyq TJD órt sóndirý qyzmetiniń 14 mamany men 3 tehnıkasy jumyldyryldy.
