Kókshetaýda monıtorıngilik topqa qarsylyq kórsetken 4 kúzetshi qamaýǵa alyndy
Aqmola oblystyq Polıtsııa departamenti baspasóz qyzmetiniń málimetinshe, 6 qarashada túngi saǵat 00:00-de Kókshetaý qalalyq PB jedel basqarý ortalyǵynyń arnaıy jelisine oblys ortalyǵyndaǵy oıyn-saýyq mekemeleriniń biri karantındik shekteýlerdi buza otyryp jumys istegeni týraly habar tústi.
Oqıǵa ornyna jetken jedel-tergeý toby kúzet qyzmetiniń tórt qyzmetkeri monıtorıngilik toptyń jumysyna qarsy áreket jasaǵanyn anyqtady.
«10 qarasha kúni Kókshetaý qalasynyń ákimshilik sotynda quqyq buzýshylarǵa qatysty sot protsesi ótti. Sottyń qaýlysymen mekemeniń kúzet qyzmetkerleri QR Ákimshilik quqyq buzýshylyq kodeksiniń 667-shi babynda kózdelgen «quqyq qorǵaý organy nemese arnaýly memlekettik organ, áskerı polıtsııa organy qyzmetkeriniń (áskerı qyzmetshisiniń), sot prıstavynyń, sot oryndaýshysynyń zańdy ókimine nemese talabyna baǵynbaý» quqyq buzýshylyq jasaýda kináli dep tanyldy. Olarǵa úsh táýlik ákimshilik qamaýǵa alý túrinde jaza taǵaıyndaldy», - dedi vedomstvodan.
