Kókshetaýda «Meniń týym – meniń Qazaqstanym» atty chellendj ótti
KÓKShETAÝ. QazAqparat – Otan qorǵaýshy kúnine oraı Kókshetaýda «Meniń týym – meniń Qazaqstanym» atty chellendj ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.
Aktsııa barysynda «Іnjý» turǵyn úı kesheniniń turǵyndary 9 qabatty turǵyn úıdiń ár qabatyna elimizdiń áskerı mindetti azamattarǵa qurmet retinde toǵyz týdy ilip qoıdy.
Sharany uıymdastyrýshy Gúlmıra Qusaıynnyń aıtýynsha, aktsııa áskerı mindetti azamattardyń mártebesin arttyryp, jastardy patrıotızmge tárbıeleýge baǵyttalǵan.
«Iá, qazir pandemııa jaǵdaıynda bizdiń áskerı qyzmetshilerimiz qala kóshelerin dezınfektsııalaý jumystaryna tartylyp, táýlik boıy blokpostarda kezekshilik atqarýda. Sol sebepti, biz olarǵa alǵys bildirip otyrmyz», - deıdi qala turǵyny.
Aktsııa qazaqstandyq tanymal oryndaýshy Qýandyq Raqymnyń «»Men qazaqpyn» ánimen súımeldendi.
Qalalyq mádenıet bólimi aktsııaǵa qatysýshylardy qoldap, mýzyqalyq apparatýra men tý usyndy.
