Kókshetaýda «Men qazaqpyn» jobasynyń oblystyq kezeńiniń jeńimpazdary anyqtaldy

Bul týraly óńirlik kommýnıkatsııalar qyzmetinde Aqmola oblystyq «Kókshe» telearnasynyń dırektory Álibek Tatanov pen dástúrli ánshi, Úkili Ybyraı atyndaǵy oblystyq fılarmonııanyń ártisi Sərsenbaı Hasenovtyń qatysýymen ótken brıfıngte aıtyldy, dep habarlaıdy QazAqparat tilshisi.
 

Brıfıngte aıtylǵandaı «Men qazaqpyn» - «Qazaqstan» respýblıkalyq teleradıo-korporatsııasynyń aýqymdy jobasyna Aqmola oblysy boıynsha 100-ge tarta úmitkerlerdiń ishinen úzdik shyqqan 22 ónerpaz oblystyq kezeńge qatysyp, baq synaǵan bolatyn.

Kókshetaýdaǵy Sh.Qusaıynov atyndaǵy qazaq drama teatrynyń sahnasynda ótken irikteý kontsertinde dástúrli án janry boıynsha Asqar Muqııat, kúı janry boıynsha Baýyrjan Baltash jəne terme janry boıynsha Nazıra Beısenova jeńimpaz atandy.
 

«Jeńimpazdardyń úsheýi de Astana qalasynda ótetin respýblıkalyq baıqaýda Aqmola oblysynyń namysyn qorǵaıtyn bolady», dedi «Kókshe» telearnasynyń dırektory Álibek Tatanov.