Kókshetaýda memlekettik emes uıym ókilderiniń qatysýymen dóńgelek ústel otyrysy ótti
Іs-sharaǵa qatysqan aımaq basshysy Ermek Marjyqpaev óńirde memlekettik organdar men azamattyq qoǵamy arasynda 30 jyl boıyna atqarylǵan isterge toqtaldy.
Onyń aıtýynsha, búgingi tańda óńirde 298 úkimettik emes uıym jumys isteıdi. Ákimdik tarapynan olardy memlekettik-áleýmettik tapsyrys boıynsha qarjylandyrý budan 15 jyl buryn 7 mıllıon teńgeni qurasa, qazir 400 mıllıon teńgege jetip otyr.
«Memleket basshysy qazaqstandyqtarǵa arnaǵan Joldaýynda memleket pen qoǵamnyń dıalogyna basa mán berdi. Elimizde memlekettik-áleýmettik tapsyrys sheńberinde úkimettik emes uıymdarǵa únemi qoldaý kórsetilip keledi. Byltyrǵy jyldyń qarasha aıynda óńirimizde oblystyq azamattyq forým ótti. Onda jergilikti úkimettik emes uıymdardyń memlekettik organdarmen birlesip, atqarǵan jumysy jáne aldaǵy josparlary talqylandy. Búgingi tańda bul baǵytta biraz jumys atqaryldy», - dedi atap ótti aımaq basshysy.
Dóńgelek ústel barysynda «Qazaqstannyń Azamattyq Alıansy» zańdy tulǵalar birlestigi Aqmola fılıalynyń tóraıymy Irına Terenteva, «Eko-Kókshe» qoǵamdyq birlestiginiń tóraǵasy Ábiljan Qusaıynov, «ABAY MEKTEPTERI» qoǵamdyq qorynyń prezıdenti Erlan Aıtmuhambetov, «Aqmola oblysynyń qoıan-qoltyq urys federatsııasynyń prezıdenti Alma Hamıtova, «Dobroe serdtse – LLider.kz qoǵamdyq qorynyń tóraıymy Irına Katýhovamen «Nasıhat» konsýltatıvtik-ońaltý ortalyǵynyń tóraǵasy Ermek Baıadilov ózderi basqaryp otyrǵan birlestikterdiń jumysy týraly aıtyp, memlekettik-áleýmettik tapsyrys sheńberin keńeıtý baǵytynda usynystaryn jetkizdi.
Aıta keteıik, oblysta 25 memlekettik organ bıýdjettik baǵdarlamalardyń ákimshisi bolsa, onyń altaýy oblystyq basqarmalar. 2021 jyly olar memlekettik-áleýmettik tapsyrysqa jalpy quny 150 mıllıon teńge bolatyn 32 jobany iske asyrýǵa usynys bildirip otyr.
