Kókshetaýda Memleket basshysynyń tapsyrmalaryn iske asyrý tetikteri talqylandy
Qoǵam ókilderiniń qatysýymen ótken jıynda Qazaqstan Respýblıkasynyń Prezıdenti Qasym-Jomart Toqaevtyń Úkimet aldyna qoıǵan alty negizgi mindettiń óńirde júzege asyrylýy sóz boldy.
«Memleket basshysy pandemııamen, iskerlik belsendiliktiń tómendeýimen jáne Ulttyq qaýipsizdik syn-tegeýrinderimen baılanysty qazirgi kúrdeli kezeńde buryn belgilengen reformalardy iske asyrý men ınflıatsııany tejeýdi basym mindetterdiń biri dep belgiledi. Prezıdent Úkimet aldynda tabystyń ósýi jáne teńsizdiktiń qysqarýy, ınflıatsııany tejeý, ekonomıkalyq damý úshin qosymsha qarajat berý, agroónerkásiptik keshendi damytý máseleleri, energetıkalyq keshendi damytý, densaýlyq saqtaý salasyndaǵy máseleler tárizdi 6 negizgi mindetti belgiledi. Ol mindetterdi oryndaý Aqmola oblysyna da tikeleı qatysty. Memleket basshysy bizge, qoǵam ókilderine úlken úmit artyp otyr. Biz alǵa qoıǵan maqsattarǵa qol jetkizý úshin, onyń ishinde qoǵamdyq qyzmettegi óz tájirıbemizdi jáne óz múmkindikterimiz turǵysynan perspektıvalyq kózqarasymyzdy eskere otyryp, óz úlesimizdi qosýǵa tyrysamyz», - dep atap ótti «Aqmola oblysy boıynsha Qazaqstannyń Azamattyq Alıansy» zańdy tulǵalar birlestiginiń tóraıymy Irına Terenteva.
Dóńgelek ústel barysynda Memleket basshysynyń 2022 jylǵy 8 aqpandaǵy Qazaqstan Respýblıkasy Úkimetiniń keńeıtilgen otyrysynda bergen tapsyrmalaryn qoldaý jáne oryndaý úshin óńirdiń birqatar qoǵam ókilderi, sonyń ishinde «Nasha prava» qoǵamdyq birlestiginiń jetekshisi, «Aqmola oblysy azamattyq alıansy» zańdy tulǵalar birlestiginiń quryltaıshysy Vladıslav Shýl, Aqmola oblysynyń kásipodaqtar ortalyǵynyń tóraǵasy Qalı Rahmetov óz oı-pikirlerimen bólisti.
