Kókshetaýda mektepti tonaǵan kúzetshi ustaldy

KÓKShETAÝ. QazAqparat - Kókshetaýda mektepti tonaǵan kúzetshi ustaldy. Kúdikti ǵımarattan 9 noýtbýk, 3 planshet, 3 vebkamera jáne 3 qulaqqapty jymqyrǵan, dep habarlaıdy QazAqparat tilshisi Aqmola oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, bıyl 17 tamyzda oblys ortalyǵyndaǵy ýchaskelik polıtsııa ınspektoryna jergilikti mektepterdiń biriniń dırektorynan aryz tústi.

Dırektordyń sózinshe, bıylǵy jylǵy tamyzdyń 13-15 kúnderi aralyǵynda mektepten 9 noýtbýk, 3 planshet, 3 vebkamera jáne 3 qulaqqapty belgisiz bireý qoldy qylǵan. Keltirilgen shyǵyn kólemi 1,4 mıllıon teńgeden asady.

«Jedel izdestirý sharasy barysynda osy mekteptiń úsh kúzetshisiniń biri ustaldy. 28 jastaǵy er adam qylmysyn moıyndady», - dedi vedomstvodan.

Qazirgi kezde, osy qylmysqa qatysty Qylmystyq kodekstiń 188 babynyń 1-shi bóligi «urlyq» boıynsha sotqa deıingi tergeý amaldary júrgizilýde. Kúdiktige «kelý mindettemesi» protsessýaldyq májbúrleý sharasy tańdaldy.