Kókshetaýda mektepte aıaqasty jan tapsyrǵan oqýshynyń dıagnozy 2 aptadan soń belgili bolady
KÓKShETAÝ. QazAqparat - Aqmola oblysynyń densaýlyq saqtaý basqarmasy 15 jastaǵy oqýshynyń ólimine qatysty túsinikteme jasady, dep habarlaıdy "QazAqparat" HAA vedomstvonyń baspasóz qyzmetine silteme jasap.
Aıta keteıik, 3 mamyrda "KTK" arnasy Kókshetaýda 15 jastaǵy mektep oqýshysynyń ajal qushqany týraly habarlady. Oqıǵa dene shynyqtyrý sabaǵy ústinde bolǵan. Oqýshy aıaqasty esinen tanyp qalǵan. Alaıda aınalasyndaǵylardyń bári onyń densaýlyǵy jaqsy bolǵandyǵyn aıtady.
№ 2 mekteptiń dırektory Gúlnər Əbdiqasymova: " Birinshi reanımatsııalyq sharalar úshin tolyq jabdyqtalmaǵan jedel jərdem brıgadasy keldi. Keıin ózderi reanımatsııalyq kólikti shaqyrtty. Jedel járdem 10-11 mınýttan soń keldi. Osy aralyqta biz úshinshi ret qońyraý shaldyq. Ekinshi ret qońyraý shalǵanda «ózderińizdiń medıtsınalyq qyzmetkerlerińiz kómek kórsetsin» dedi", dep, oqıǵanyń mán-jaıy týraly aıtqan bolatyn.
"ADIS" baǵdarlamalyq kesheniniń taldaýyna səıkes, shaqyrý Kókshetaý qalasyndaǵy №2 orta mektepten aǵymdaǵy jyldyń 2 mamyrynda saǵat 10:01-de túsken. 10:02-de medıtsınalyq jedel jərdem brıgadasy jiberiledi. 10:09 mınýtta medıtsınalyq jedel járdem mamandary atalǵan mektepte bolǵan.
Sonymen qatar, jedel járdem qyzmetine soǵylǵan telefon qońyraýlardyń aýdıojazbasyna səıkes, 3 ret qońyraý shalynǵan.
«Jedel járdem mamandary kelgen kezde bala klınıkalyq ólim jaǵdaıynda boldy: tynys alý belgileri sezilmedi, qysymy, júrek qaǵysy, kóz janarynyń jaryqqa reaktsııasy bolmady. Aldyn ala klınıkalyq ólim dıagnozy qoıyldy. Oǵan qosa, dərigerler birden júrekti ýqalaý, aýyz qýysyn tazalaý, adrenalın egý tərizdi reanımatsııalyq sharalardy jasady», delingen habarlamada.
Mektep oqýshysy Aqmola oblystyq balalar aýrýhanasyna jetkizilgen. Onda 40 mınýt boıy reanımatsııalyq sharalar jalǵasty. Ókinishke oraı, esh nátıjesiz, bıologııalyq ólimi tirkeldi.
«2017 jyldyń 3 mamyrynda bıologııalyq materıaldar alynyp, sot-medıtsınalyq saraptamaǵa jiberildi. Naqty dıagnozy eki apta ótken soń shyǵarylatyn bolady" dep kórsetilgen habarlamada.
