Kókshetaýda mektep oqýshysy 8 qabattan sekirip mert boldy
KÓKShETAÝ. QazAqparat- Kókshetaýda 8 synyp oqýshysy 8 qabattan sekirip mert boldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń deregi boıynsha, oqıǵa qazannyń 4-de Kókshetaý qalasy Potanın kóshesiniń boıyndaǵy turǵyn úıde bolǵan. Bul týraly polıtsııaǵa saǵat 11:46 jedel járdem qyzmetiniń dárigeri habarlaǵan.
«Oqıǵa ornyna jetken kezekshi jedel-tergeý toby 2006 jylǵy jasóspirimniń 8 qabattaǵy óz páteriniń balkonynan sekirgenin jáne óler aldynda hat jazyp qaldyrǵanyn anyqtady», deıdi vedomstvonyń baspasóz qyzmetindegiler.
Qazir kezde, osy oqıǵaǵa baılanysty QR QK 105 baby (ózin-ózi óltirýge deıin jetkizý) boıynsha is qozǵalyp, sotqa deıingi tergeý amaldary júrgizilýde.
