Kókshetaýda mas júrgizýshi beınekameraǵa túsip qaldy

KÓKShETAÝ. KAZINFORM - Kókshetaýda spırttik ishimdik iship, kólik júrgizgen azamat ustaldy. 

Aqmola oblysy Polıtsııa departamenti baspasóz qyzmetiniń málimetinshe, qańtardyń 27-inde saǵat 22:40 shamasynda Kókshetaý qalalyq PB Jedel basqarý ortylyǵynyń qyzmetkerleri Ǵabdýllın jáne Áýelbekov kósheleriniń qıylysynda er adamnyń mas kúıinde «Lada Prıora» kóliginiń rýline otyryp, júrip ketkenin baıqaǵan.

«Mas adamnyń rólge otyrǵany týraly málimet patrýldik polıtsııa qyzmetkerlerine habarlanyp, kólik Baımuqanov 18 meken-jaıynda toqtatyldy. Júrgizýshi narkologııalyq dıspanserge jetkizilip, saraptama qorytyndysy boıynsha ortasha deńgeıde mas bolǵany anyqtaldy. Oǵan qatysty Ákimshilik quqyqbuzýshylyq kodeksiniń 608 babynyń 1 bóligi boıynsha «alkogoldik, esirtkilik jáne (nemese) ýytqumarlyq mas kúıindegi júrgizýshiniń kólik quralyn basqarýy, sol sııaqty kólik quralyn basqarýdy alkogoldik, esirtkilik jáne (nemese) ýytqumarlyq mas kúıindegi adamǵa berýi» ákimshilik hattama toltyryldy. Kólik aıyppul turaǵyna qoıyldy», - dedi vedomstvodan.

Júrgizýshiniń sózinshe, ol Soltústik Qazaqstan oblysynan Kókshetaý qalasyna toıǵa kelgen. Alaıda, toıdan shyǵyp, kóligine otyrǵany da beınebaqylaý kamerasyna túsip qalǵan. 

Aıta ketsek, budan buryn Aqmola oblysynda polıtseıler esirtki kýrerin qolǵa túsirgen edi.