Kókshetaýda mas kúıinde ustalǵan 134 júrgizýshi kýáliginen aıyryldy
ASTANA. QazAqparat - Kókshetaý qalasynyń mamandandyrylǵan ákimshilik soty osy jyldyń alǵashqy úsh aıynda kólikterin alkogol nemese esirtki paıdalanyp masań kúıde basqarǵan azamattarǵa qatysty 158 ákimshilik isti qarady.
Sot anyqtaǵandaı, atalǵan azamattar alkogoldik jáne esirtkilik masań kúıde avtokólik quraldaryn basqaryp, Qazaqstan Respýblıkasynyń Jol qozǵalysy qaǵıdalarynyń 2-bólimi 4-tarmaǵynyń 2-tarmaqshasynyń talaptaryn buzyp, osy is-áreketterimen jol qozǵalysyna qaýip tóndirgen.
Kókshetaý qalasynyń mamandandyrylǵan ákimshilik sotynyń qaýlylarymen 158 quqyq buzýshy Ákimshilik quqyq buzýshylyq týraly Qazaqstan Respýblıkasy Kodeksiniń 608-babynda kórsetilgen (júrgizýshiniń kólik quralyn alkogoldik, esirtkilik jáne (nemese) masań kúıde basqarýy) ákimshilik quqyq buzýshylyqty jasaǵandary úshin kináli dep tanylyp, 24 adam ákimshilik qamaýǵa alyndy, 134 adam 3 jyldan 6 jylǵa deıin merzimge kólik quraldaryn júrgizý quqyǵynan aıyryldy.
