Kókshetaýda Málik Ǵabdýllınniń rýhyna arnalǵan jıyn ótti

KÓKShETAÝ. QazAqparat - Kókshetaýda Sovet Odaǵynyń batyry, jazýshy-ǵalym Málik Ǵabdýllınniń ómiri men shyǵarmashylyǵyna arnalǵan 2-shi respýblıkalyq ǵylymı konferentsııa ótti, dep habarlaıdy QazAqparat tilshisi.

Shara qalanyń ortalyq saıabaǵynda turǵan batyr eskertkishine gúl shoqtaryn qoıýdan bastaldy. Eskertkish mańyna jınalǵan jurtshylyq aldynda Málik Ǵabdýllın mýzeıiniń dırektory Qudaıberli Myrzabek, Aqmola oblystyq ardagerler keńesiniń tóraǵasy Ǵosman Tóleǵul bastaǵan zııaly qaýym ókilderi qatysyp, sóz sóıledi.

«Jerlesimiz Málik Ǵabdýllınniń erligi barlyǵyna úlgi ónege. Aqmolalyqtar osyndaı batyr uldarynyń baryn maqtan tutady. Onyń esimi halqymyzdyń janynda máńgi saqtalǵan», - dedi óz sózinde Ǵosman Tóleǵul.

Budan ári taǵylymdy Sh.Qusaıynov atyndaǵy qazaq mýzykalyq-drama teatrynda Kókshetaý qalasyndaǵy Málik Ǵabdýllın mýzeıi men Kókshetaý tehnıkalyq ınstıtýtynyń ujymy uıymdastyrǵan «Ǵalym Málik Ǵabdýllın jáne jańa qazaqstandyq patrıotızm» taqyrybynda ІІ-shi respýblıkalyq ǵylymı-teorııalyq konferentsııaǵa ulasty.