Kókshetaýda «Magjan.kz» tarıhı-ádebı portaly iske qosylady

KÓKShETAÝ. QazAqparat - Kókshetaý qalasynda «Magjan.kz» tarıhı-ádebı portaly iske qosylady, dep habarlaıdy QazAqparat tilshisi.

Óńirlik kommýnıkatsııalar qyzmetiniń málimeti boıynsha, Maǵjan Jumabaev atyndaǵy Aqmola oblystyq ǵylymı ámbebap kitaphanasy «Magjan.kz» tarıhı-ádebı portalyn aqpan aıynyń sońynda iske qospaq.

Portal arqyly oqyrmandar Aqmola oblysynyń kıeli jəne kórikti jerleri, tarıhı oryndary, tanymal tulǵalary, jergilikti jazýshylary men aqyndary týraly məlimetter ala alady.

Ol «Uly esimder - urpaq janynda», «Tulǵa», «Týǵan ólke», «Jańa tolqyn», «Jańalyqtar» bes bólimnen turatyn bolady.

Alǵashqy bólimde Aqmola oblysynyń tarıhynda altyn ərippen jazylǵan tarıhı tulǵalar týraly məlimetter jınaqtalsa, «Tulǵa» - «Lıchnost»  bólimi bilim men ǵylymǵa ólsheýsiz úles qosqan qazirgi aqmolalyqtarǵa arnalmaq. «Týǵan ólke» bóliminde óńirdegi kıeli jerler men tarıhı oryndar týraly naqty málimetter saqtalady.

Tórtinshi - «Jańa tolqyn» bóliminde kitaptar men sýretterdi, maqalalardy júktep alýǵa bolady.

Al «Jańalyqtar» bólimi kúndelikti ótkizilgen sharalar men jańalyqtarǵa arnalmaq.