Kókshetaýda magıstratýraǵa emtıhan kezinde zańbuzýshylyq anyqtaldy
Vedomstvonyń málimetinshe, QR Sybaılas jemqorlyqqa qarsy is-qımyl agenttigi QR Bilim jáne ǵylym mınıstrligimen birlesip, grant taǵaıyndaýdyń ashyqtyǵyn kóterý maqsatynda testileýden ótý kezinde quzyrettilik organdar men qoǵam ókilderin baıqaýshy retinde qatysýyn qamtamasyz etti.
Aqmola oblysynda tamyzdyń 10- 14 aralyǵynda Sh.Ýálıhanov atyndaǵy Kókshetaý memlekettik ýnıversıtetiniń bazasynda keshendi testileý ótkizilýde.
Búgingi kúni uıymdastyrýshylar jáne stýdentter tarapynnan zańbuzýshylyqqa, stýdentterdiń ruqsat etilmegen zattardy (smartfon, shpargalka) qoldanbaýyna, bógde adamdardyń emtıhanǵa qatyspaýyna jáne emtıhan kitapshalarynyń syrtqa alyp shyǵýǵa jol bermeý maqsatynda baıqaýshy retinde Aqmola oblysy boıynsha jemqorlyqqa qarsy is-qımyl departamentiniń qyzmetkerleri, «Aqmola - adaldyq joly» jáne ózge de qoǵam ókilderi tartylýda. Baıqaýshylar testileý zaldarynda ornatylǵan beınebaqylaý kameralary arqyly testileý protsessin onlaın rejımde baqylap otyrady.
«Monıtorıng barysynda testileý bastalǵan alǵashqy saǵattarda mýltımedııalyq jabdyqty jyljytý qatysty birqatar oqıǵasy anyqtaldy. Talapkerlerdiń zańsyz smartfon qoldaǵanyp, úshinshi adamǵa aqparat joldady. Osyǵan baılanysty mınıstrlik ókilderi men táýelsiz baıqaýshylar tarapynan eskertý jasaldy.
«Eger osyndaı zańbuzýshylyqtar ekinshi ret anyqtalsa, onda zańbuzýshylar testileý ornynan shyǵarylady. Barlyq nátıjeler nólge teńestiriledi», - dep atap ótti QR Bilim jáne mınıstrliginiń ókilderi.
Aıta ketý kerek, alǵashqy topta 46 stýdent emtıhan tapsyrdy. Al, jalpy, testileýge barlyǵy 535 úmitker qatysady.
«Mundaı jaǵdaıdyń oryn alýy testileý tártibin buzbaı, adal eńbektengen talapkerler úshin ádil emes», deıdi qoǵam ókili, «Aqmola - adaldyq alańy» jobalyq keńsesiniń jetekshisi Samıra Taıtenova.