Kókshetaýda mádenıet jáne óner qaıratkerleriniń alleıasy paıda boldy
KÓKShETAÝ. KAZINFORM - Kókshetaýda mádenıet uıymdarynyń qyzmetkerleri “Taza Qazaqstan” respýblıkalyq ekologııalyq aktsııasyna óz úlesterin qosyp, 20 alma aǵashyn otyrǵyzdy.
«Aqmola oblysynyń mádenıet mekemeleri „Taza Qazaqstan“ ekologııalyq aktsııasyn qoldady. Jeńis kúnine oraılastyrylǵan bul ıgi sharanyń mańyzy zor. Endi Kókshetaýda mádenıet jáne óner qaıratkerleriniń óz alleıasy bolady. Aktsııaǵa Aqmola oblysynyń Kókshetaýdaǵy barlyq 11 mádenıet mekemesi qatysty, onyń ishinde eki teatr, fılarmonııa, „Kókshetaý“ MÚ, oblystyq halyq shyǵarmashylyq jáne mádenı demalys ortalyǵy, kitaphanalar, murajaılar bar, — dedi basqarma basshysy Aıgúl Sábıtova.
Jıyrma alma aǵashyn otyrǵyzýǵa eńbek sińirgen mádenıet qyzmetkerleri, dırıjerler, vokalıster, kitaphanashylar, murajaı qyzmetkerleri keldi.
«Aǵash otyrǵyzyp, súıikti qalamyzdy kógaldandyrý árbir azamattyń boryshy. Mádenıet jáne óner qaıratkerleriniń óz alleıasynyń bolýy árıne qýantady. Keleshekte bul jumystar jalǵasatyn bolady, — dep atap ótti oblystyq halyq shyǵarmashylyq jáne mádenı demalys ortalyǵynyń dıektory Ashat Magavın.
Otyrǵyzylǵan alma aǵashtary kútip, baptalady. Vandalızmdi boldyrmaý úshin „Kókshetaý“ mádenıet úıi ǵımaratynda ornatylǵan beınebaqylaý kameralary arqyly baqylanyp otyrady.
Basqaramadan atap ótkendeı, aldaǵy ýaqytta qalada mádenıet jáne óner qaıratkerleriniń esimderi men uıymdardyń ataýy jazylǵan taqtaısha qoıylady.
Aıta ketsek, budan Kókshetaýda jýrnalıster alleıasy paıda bolǵan edi.
