Kókshetaýda mádenıet kolledjiniń jańa oqý korpýsy ashyldy
KÓKShETAÝ. QazAqparat - Kókshetaýda Aqan seri atyndaǵy joǵary mádenıet kolledjiniń jańa oqý korpýsy ashyldy. Sharaǵa aımaq basshysy Ermek Marjyqpaev qatysyp, bilim ordasyna 30 mıllıon teńgeniń sertıfıkatyn tartý etti, dep habarlaıdy QazAqparat tilshisi Aqmola oblysy ákiminiń baspasóz qyzmetine silteme jasap.
Sharada aımaq basshysy Ermek Marjyqpaev kolledj mańyna ornatylǵan Aqan seri eskertkishine gúl shoǵyn qoıdy.
«Memleketimizdiń bilim berý saıasatyndaǵy basty baǵyt ekonomıkanyń jetekshi salalary úshin mamandar daıarlaý bolyp tabylady. Jańa oqý korpýsynyń ashylýy - barshamyz úshin mańyzdy oqıǵa. Bul elimizde bilim men mádenıetke basa nazar aýdarylyp otyrǵanyn kórsetedi», – dedi óńir basshysy óziniń quttyqtaý sózinde.
Oblysta «Jas maman» jobasy júzege asyrylýda, onyń sheńberinde 10 kolledjdiń materıaldyq-tehnıkalyq bazasy jaqsartylady. Zamanaýı oqytý jabdyqtaryn satyp alýǵa 30 mıllıon teńgeniń sertıfıkatyn tapsyrǵan aımaq basshysy kolledj ujymyna stýdentterdi oqytýda ınnovatsııalyq tehnologııalardy qoldanatynyna senim bildirdi.
Kolledjdiń jańa ǵımaratynda zamanaýı keń oqý aýdıtorııalary, 240 oryndyq 2 májilis zaly, kitaphana, ashana, sport jáne trenajer, horeografııa zaldary, sport alańy bar.
Ótken jyldyń kórsetkishi boıynsha atalmysh medenıet kolledji respýblıkamyzdyń mádenıet jáne óner salasyndaǵy oqý oryndary arasynda úzdik dep tanyldy. Onyń túlekteri suranysqa ıe jáne mamandyqtary boıynsha Qazaqstannyń ár óńirlerinde, sondaı-aq alys-jaqyn shetelderde jumys isteýdi.
Budan bólek, aımaq basshysy Kókshetaý qalalyq ádebıet jáne óner mýzeıin qalpyna keltirý jumystarynyń barysymen tanysty.
«Merdigerler jumysqa shilde aıynda kirisken. Qazirgi ýaqytta demontaj tolyq júrgizildi. Qarasha aıyna deıin ǵımarattyń qasbetin dekaratıvtik materıal - travertınmen árleý, ishki árleý jáne syrtqy abattandyrý jumystaryn aıaqtaý josparlanǵan.
Zaman talabyna saı ekspozıtsııalyq zaldardy rekonstrýktsııalaý da josparda bar. Jobanyń tujyrymdamasy Shoqan Ýálıhanov atyndaǵy tarıh jáne etnografııa ınstıtýtymen kelisilgen», – deıdi ákimdiktiń baspasóz qyzmetindegiler.
