Kókshetaýda lombard tonamaqshy bolǵandar ustalyp qaldy
KÓKShETAÝ. QazAqparat - Kókshetaýda lombard tonamaq bolǵan kúdiktiler ustaldy, dep habarlaıdy qazAqparat tilshisi.
ІІD baspasóz qyzmetiniń málimetine qaraǵanda, qaraqshylyq shabýyl aǵymaǵy jyldyń 20 qazanynda Kókshetaý qalasynda bolǵan.
«Polıtseılerdiń sózinshe, medıtsınalyq maska kıgen belgisiz eki adam jergilikti lombardtardyń birine basa kóktep kirip, aqsha jymqyrmaq bolǵan. Qoldarynda tapanshaǵa uqsas zatpen qorqytpaq bolǵan kúdiktilerdi kórgen kassır dabyl qaqqyshty basyp, altyn buıymdardy saqtaıtyn bólmege jasyrynyp úlgergen.
Oqıǵa ornyna jedel jetken polıtseıler kúdiktilerdi ustaý boıynsha jedel-izdestirý sharasyn qolǵa alady. Nátıjesinde Kókshetaý qalasynyń ІІB Jergilikti polıtsııa qyzmeti jol-kóliktik batolonynyń qyzmetkerleri Aqmola oblysy Eńbekshilder aýdanynyń turǵyndaryn ustady», dep túsindirdi baspasóz qyzmetindegiler.
Qazirgi kezde, kúdiktilerden zattaı aıǵaqtar alynyp, ýaqytsha ustaý oqshaýlaǵyshyna toǵytyldy. Sondaı-aq, olardyń ústinen QR QK 192 babynyń 2 bólimi boıynsha sotqa deıingi tergeý amaldary júrgizilýde.
