Kókshetaýda Qytaıda demalyp kelgen balalardan koronavırýsqa synama alyndy
Vedomstvonyń málimetinshe, búgin 28 qańtarda de oblystyq kópbeıindi balalar aýrýhanasyna JRVI (jedel respıratorlyq-vırýstyq ınfektsııalary) dıagnozymen 2 jáne 5 jasar eki bala tústi. Atalmysh otbasy qańtardyń 6-y men 21-i aralyǵynda Qytaıda (Haınan) demalysta bolǵan.
«Naýqastardan koronavırýs ınfektsııasyna baılanysty synama alyndy. Aqmola oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń deregi boıynsha, synama qorytyndysy birer saǵatta daıyn bolady. Ata-anasy men balanyń úlkeninde JRVI (jedel respıratorlyq-vırýstyq ınfektsııalary) belgileri tabylmady. Anasy aýrhanada balalardyń qasynda», dep túsindirdi Aqmola oblystyq densaýlyq saqtaý basqarmasynyń baspasóz qyzmetindegiler.
Aıta keteıik, áleýmettik jelisinde Kókshetaýdaǵy juqpaly aýralar aýrýhanasyna koronavırýsqa kúdikpen naýqas tústi degen aqparat taraǵan bolatyn.
Eske sala ketsek, Aqmola oblysy aýmaǵynda koronavırýs ınfektsııasynyń taralýynyń aldyn alý jáne sanıtarlyq – epıdemologııalyq sharalardy kúsheıtý maqsatynda oblys ákiminiń orynbasary Aına Mysyrálimovanyń jetekshiligimen óńirlik komıssııa quryldy.