Kókshetaýda qysqy trek jarysy boıynsha Qazaqstan chempıonaty ótti
KÓKShETAÝ. QazAqparat- Kókshetaýda «IceDrive» qysqy trek avtomobıl jarysy boıynsha Qazaqstan chempıonaty ótti, dep habarlaıdy QazAqparat tilshisi.
Aqmola oblystyq ishki saıasat basqarmasynyń málimetinshe, jarys «Four seasons» is-sharalar jospary sheńberinde ótkizilip, avtomotosport boıynsha respýblıkalyq jarys josparyna engizildi.
Uıymdastyrýshylardyń aıtýynsha, jarystyń óńirge, onyń ishinde oblys ortalyǵyna týrıster aǵynyn tartý arqyly ishki týrızmdi damytý, sondaı-aq belsendi demalys túrlerin nasıhattaý jáne salaýatty ómir saltyn nasıhattaý maqsatynda ótkizildi.
«Jarysty qatysýshylarǵa qala turǵyndary men qonaqtary qoldaý bildirdi. Bul sport túri elimizde jaqsy damyǵan. Bizdiń qalamyzda da jarysqa qyzyǵatyn jastar kóp. Pandemııa bastalǵannan beri bizdiń qalamyzda mundaı aýqymdy is-sharalar ótkizilgen joq. Іshki týrızmdi damytatyndyqtan, qyzyqty jobalar ótkizýdi josparlap otyrmyz», - dep atap ótti oblystyq kásipkerlik jáne týrızm basqarmasynyń basshysy Erbol Ospanov.
Kórermenderge demeýshiler tarapynan syılyqtar úlestirildi, sondaı-aq, jergilikti dúkenderge, sulýlyq salondary men dámhanalarǵa sertıfıkattar oınatyldy.
Jarystyń on ekinshi kezeńiniń qorytyndysy boıynsha kókshetaýlyq Igor Kapırýlın úshinshi oryn alsa, petropavldyq Evgenıı Komov ekinshi orynǵa turaqtady. Al Taldyqorǵan qalasynyń ókili Sergeı Kapırýlın jarys jeńimpazy atandy.
Jeńimpazdar aqshalaı sertıfıkat jáne syılyqtarmen marapattaldy.
