Kókshetaýda qymbat ton urlamaq bolǵan qyrǵyzstandyq əıel ustaldy
KÓKShETAÝ. QazAqparat- Kókshetaýda qymbat ton urlamaq bolǵan 54 jastaǵy Qyrǵyzstan azamatshasy ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha 21 aqpanda Kókshetaý qalalyq ІІB kezekshilik bólimine jergilikti saýda úıiniń 55 jastaǵy satýshysy aryzdanǵan. Aryzdanýshynyń sózine qaraǵanda beıtanys əıel onyń býtıginen qymbat ton urlamaq bolǵan.
Jedel izdestirý sharasy barysynda 54 jastaǵy Qyrǵyzstan Respýblıkasynyń azamatshasy qol tústi.
«Oqıǵa bylaı órbigen: Kúdikti qyzymen birge Kókshetaýdaǵy saýda úıiniń birinde syrtqy kıimder satatyn býtıkke barady. Sol kezde satýshy qyzyna kıimderdi kórsetip jatqan sətti paıdalanǵan anasy ilinip turǵan qymbat tondy sheship, syrtqy kıiminiń astyna jasyrady. Alaıda, esikten shyǵa beriste satýshy ony birden sezip qalady. Joly bolmaǵan kúdikti sol jerde daý shyǵaryp, satýshyny balaǵattaıdy. Oqıǵa ornyna dereý saýda úıiniń kúzetshisi, keıin polıtsııa kelip, urlyq jasamaq bolǵan əıeldi qolǵa túsiredi.
Polıtsııa anyqtaǵandaı kúdikti Qyrǵystannan birer apta buryn Kókshetaýdaǵy qyzyna qonaqqa kelgen», dep túsindirdi polıtseıler.
Qazirgi kezde kúdiktiden túsinikteme alynyp, QR QK 188 babynyń 1 bólimi boıynsha qylmystyq is qozǵaldy.
