Kókshetaýda Qylshaqty ózeninde sý deńgeıi kóterildi
KÓKShETAÝ. QazAqparat – Aqmola oblysynda Qylshaqty ózeniniń deńgeıi kóterilip, avtokólik kópirin sý basyp qaldy, dep habarlaıdy QazAqparat QR ІІM TJ komıtetiniń resmı ókili Nursultan Nurahmetovke silteme jasap.
Naýryzdyń 14-inen 16-syna deıin oblys aýmaǵynda kún jylynǵan, aýa temperatýrasy kúndiz +1S-tan +8S-qa deıin jetse, túnde +1S-tan +4S-qa deıin jyly bolǵan.
«Qalyń qardyń erýine baılanysty, qala mańynda, Býrabaı jáne Zerendi aýdandary aýmaǵynan, Kókshetaý qalasynda tańǵy saǵat 03:10-nan bastap Qylshaqty ózenindegi sý deńgeıi 1 m 40 sm-ge (qaýipti deńgeıi 3 m 20 sm) kóterilgeni baıqalady», - dep atap ótti TJK-da.
Qarǵyn sýdyń kelýine deıin Qylshaqty ózeniniń barlyq arnasynda muz qatyp jatqan Saǵat 03:20-da sýdyń kóterilý deńgeıi shamamen 1 m 50 sm, al 04: 45-te 2 m 50 sm deńgeıinde boldy.
«Saǵat 05:50-de sýdyń kóterilýi saldarynan B.Áshimov kóshesiniń boıyndaǵy №12 orta mektep mańynda avtomobıl kópirin sý basyp (bıiktigi 10-15 sm eni -8 m) qaldy. Sý basqan jerde jáne Qylshaqty ózeniniń boıynda jergilikti atqarýshy organdar, jergilikti polıtsııa qyzmeti jáne tótenshe jaǵdaılar bólimi kezekshilik uıymdastyrdy.
Turǵyn úı kesheni men áleýmettik nysandardy sý basýǵa jol bermeý boıynsha jedel sharalar qabyldaý maqsatynda Qylshaqty ózeniniń jaǵasyn kúzetý jáne tazartý jumystary uıymdastyryldy. Sondaı-aq, 16 naýryzda Qylshaqty ózeni men Qopa kóliniń qosylatyn jerinde 855 sharshy metr aýmaqta muz jarý jumystary júrgizildi», - dep habarlady vedomstvoda.
Oqıǵa ornynda TJD kúshteri men quraldary tartylǵan: 4 tehnıka, jalpy sany 11 adam bolatyn jeke quramnyń 1 qaıyq; 6 frontaldy tıegish, 6 júk tehnıkasy, 4 sý sorǵysh tehnıka, qyzmetkerlerdiń jalpy sany 45 adam; JP: jeke quramnyń 4 adamy bar 2 patrýldik ekıpaj qosyldy.
«Sý tasqyny qaýpi bar ýchaskelerdiń pasportyna sáıkes Kókshetaý qalasynda jalpy sany 183 turǵyn úı bar, onyń ishinde bes qabatty 3 úı jáne № 8 jáne №12 orta mektepter bar», - dep atap ótti TJD-da.
