Kókshetaýda KVI-men aýyrǵan sońǵy naýqas jazylyp, aýrýhanadan shyqty
Basqarma basshysynyń aıtýynsha, búgingi tańda jansaqtaý jáne qarqyndy terapııa bólimshesinde KVI nemese pnevmonııa dıagnozy bar bir de bir aqmolalyq naýqas joq. Kókshetaý qalasynyń juqpaly aýrýlar ortalyǵynyń kovıdtik bólimshesinen koronavırýs ınfektsııasy dıagnozymen sońǵy naýqas emdelip shyqty.
Degenmen, birneshe aqmolalyq áli kúnge deıin pnevmonııa dıagnozymen statsıonarlyq em alyp jatyr. .
«Aqmola oblysynda sońǵy eki aptada jedel medıtsınalyq járdemdi shaqyrý kórsetkishi 5,3 paıyzǵa, ıaǵnı 4727-den 4473-ke tómendedi. Kókshetaýlyqtar jedel járdemdi 6,5 paıyzǵa az shaqyra bastady. Shaqyrtýlar sany 1 651-den 1 543-ke deıin kemidi. Óńirde KVI boıynsha shaqyrýlar 42,5 paıyzǵa azaıdy. Bul rette eki apta ishinde tek eki adam aýrýhanaǵa jatqyzyldy. Alaıda, oblysta jedel respıratorly vırýstyq ınfektsııa men pnevmonııa boıynsha shaqyrý birshama jıililegeni baıqalady», - dedi N.Syzdyqov.
Ótken táýlikte óńirde KVI shaldyǵýdyń birde-bir jaǵdaıy anyqtalǵan joq.
Sonymen qatar, oblystyq densaýlyq saqtaý basqarmasynyń basshysy aqmolalyqtardy koronavırýs ınfektsııasy boıynsha jaǵdaıdyń turaqtanýyna qaramastan, qyraǵylyqty joǵaltpaýǵa jáne barlyq qajetti qaýipsizdik sharalaryn saqtaýǵa, sondaı-aq vaktsına alýǵa shaqyrdy.
